Shuruudaha Isticmaalka ee Barbaar Wellness

1. Hordhac

Ku soo dhawoow Barbaar Wellness! Marka aad booqanayso website-keena (https://barbaar.org), ka qayb qaadanayso barnaamijyadayna ama ballansanayso la-talin, waxaad aqbashay shuruudahan.

Barbaar Wellness waxa ay u heellan tahay taageerida caafimaadka maskaxda, kobcinta nafta, iyo horumarinta xirfadaha dhalinyarada Soomaaliyeed.

2. Adeegyada Aan Bixino

• La-talin caafimaad maskaxeed (oo ay ku jiraan CBT iyo fadhiyo gaar ah)

• Tababaro kor u qaada xirfadaha nolosha iyo shaqada

• Koorsooyin iyo workshops online ah oo la xiriira caafimaadka maskaxda, habdhaqanka dadka, iyo horumarinta nafta

3. Shuruudaha Ka Qaybgalka

• Adeegyadeenu waxay u furan yihiin qof kasta oo 15 sano jira ama ka weyn

• Haddii aad ka yar tahay 15, waxaa loo baahan yahay ogolaanshiyaha waalid ama mas’uul kale.

4. Sida Loo qabsado Ballanta

• Ballanta dhakhtarka waxaa laga qabsadaa Website-ka, WhatsApp-ka, ama emaylka Barbaar

• Waxaad heli doontaa ogeysiis xaqiijin ah oo faahfaahinaya taariikhda, saacadda, iyo habka Ballanta

5. Lacag-bixinta & Celinta

• Qiimayaasha fadhiyada iyo koorsooyinka waxaa la shaaciyay ka hor inta aadan qabsan ballanta

• Haddii aad rabto inaad ballanta joojiso ama dib u dhigto, fadlan nala soo socodsii ugu yaraan 24 saacadood ka hor

• Ballanta la baajiyo iyadoo ogeysiis la’aan ah ama ka yar 24 saacadood, lacag celin malaha

6. Xuquuqda Mawduuca

• Dhammaan qoraallada, sawirrada, muuqaalada, iyo agabka kale ee Barbaar Wellness waa lahaanshiyaheena

• Xuquuqdayna waa dhowrsan tahay lamana isticmaali karo fasax la’aan

7. Xeerarka Bulshada

• Waxaan dhiirrigelinaynaa ixtiraamka iyo wada-hadalka furan

• Wax kasta oo aflagaado, nacayb, ama xadgudub ah waa la mamnuucay

• Xubin kasta oo shuruucda ku xad-gudubta waxa laga saari karaa barnaamijyada iyo kooxaha Barbaar

8. Isbeddelka Shuruudaha

• Barbaar Wellness waxay xaq u leedahay inay shuruudahan dib u eegto ama wax ka beddesho wakhti kasta

• Isbeddellada cusub waxay dhaqan galayaan marka la daabaco, waxaana ku wargelin doonnaa website-ka.